Këto janë 5 sekretet për ta kapërcyer më lehtë ndarjen

30 nëntor 2021 | 22:02

Ndarjet janë të vështira dhe gjithmonë të dhimbshme. Sado të dëgjoni fjalë mbështetëse nga njerëzit tuaj, dhimbja nuk largohet lehtë. Por a keni menduar ndonjëherë t’i drejtoheni shkencës për të kapërcyer një ndarje?

Mund t’ja arrini duke u argëtuar nëpër klube apo festa, gjithçka është e pranueshme, por me metodat e mëposhtme të rekomanduara nga ekspertët, mund ta bëni pak më shpejt.

Le të mbizotërojë trishtimi

Nëse pretendoni se asgjë nuk ka ndodhur dhe gjithçka është në rregull, atëherë definitivisht nuk do ta kaloni situatën shpejt. Psikologu klinik Antonio Pascual-Leone sugjeron që të fokusoheni në emocionet e pakëndshme në vend që t’i shmangni ato.

Përvoja ka treguar se duhet të ndërmerren disa hapa për të kapërcyer një ndarje, por ky është i pari. “Duhet të kalosh nëpër stuhi për të kuptuar saktësisht se çfarë ndjen, dhe nëse përjeton trishtim, zemërim, dhimbje tani në fillim, ato nuk do të shpërthejnë më vonë si nerva të shtypura dhe zemërim”, thotë eksperti.

Ka një arsye që marrëdhënia përfundoi

Zakonisht, kur një marrëdhënie përfundon dhe ende përpiqemi ta kapërcejmë atë, ne priremi të lëmë mënjanë gjërat e këqija që kanë ndodhur dhe të kujtojmë vetëm ato pozitive. Idealizimi i një marrëdhënieje, që kishte arsye serioze për t’i dhënë fund, nuk ndihmon as psikologjinë dhe as përpjekjen për të ecur përpara.

“Mendja juaj do të përpiqet t’ju tregojë se gjithçka ishte perfekte, por ju e dini që kjo nuk është e vërtetë. Nëse doni të kapërceni një marrëdhënie, duhet ta mbani mend mirë këtë”, thotë eksperti.

Ndaloni së kërkuari përgjigje

Edhe kur e dimë arsyen e një ndarjeje, priremi të sajojmë histori në mendjen tonë, histori për shkaqe të tjera ose sjellje të ndryshme që mund ta kenë shpëtuar situatën. Sipas psikologut, asnjë shpjegim nuk do të mjaftojë kurrë. “Ju kërkoni përgjigje, sepse po përpiqeni të qëndroni në zakonin e marrëdhënies, jo sepse ndonjë arsye tjetër do t’ju ndihmonte ta kapërceni atë. Lëreni situatën pas dhe pranoni se ka mbaruar, për të mirën tuaj”.

Gjeni atë që kërkoni në një lidhje

Në momentin që emocionet ju pushtojnë, përpiquni të zbuloni saktësisht se çfarë kërkoni në një lidhje. Çfarë shpresonit t’ju ofronit dhe çfarë dëshironi të ketë tjetra? Edhe nëse nuk e keni përfunduar, kjo ka ndodhur për ndonjë arsye serioze. Përfitoni nga koha deri në tjetrën për të menduar se si mund t’i siguroni vetes atë që kërkoni, por edhe për të sqaruar se cilët janë kufijtë që do të vendosni tani e tutje në marrëdhëniet tuaja.

Zbuloni veten

Së bashku me atë që dëshironi t’ju ofrojë një marrëdhënie, përfitoni nga kjo kohë për të zbuluar se çfarë ju pëlqen te vetja. Zakonisht, me ndarjen humbasim një pjesë të vetes, atë që ishim në marrëdhënie. Pra, si ta bëni këtë fazë më të lehtë? Provoni gjëra të reja, përvoja të reja. Ju jeni ata që do i jepni sërish vlerë vetes. /abcnews.al

Lajme të sponsorizuara

Të fundit
Konsullata e Përgjithshme e Kosovës në Stuttgart ka promovuar librin…