Kim Min-Jae, afër zyrtarizimit te Bayerni
06 korrik 2023
| 11:14
Pas arritjes së marrëveshjes mes klubeve dhe lojtarit, qendërmbrojtësi korean, Kim Min-Jae do të zhvilloj vizitat mjekësore para nënshkrimit të kontratës së re me “bavarezët” e Bayern Munchen.
Gjithçka u bë e ditur nga gazetari i mirënjohur i futbollit, Florian Plettenberg, i cili tha se mjekët e klubit të Mynihut kanë fluturuar drejt Koresë së Jugut, ku lojtari po kryen aktualisht ushtrinë dhe do të kryejnë kontrollet e nevojshme.
Ndërkaq, kujtojmë se “shtatlarti” i mbrojtjes do t’i kushtojë “bavarezëve” të Bayern Munchen, plot 50 milionë euro, ndërsa përsa i përket kontratës personale me klubin, Kim do të përfitoj 12 milionë euro bruto, përgjatë 5 viteve të kontratës.