Presidenti rus, Vladimir Putin, deklaroi se dëshira e popullsisë së Donbasit dhe Novorosisë për të lidhur të ardhmen e tyre me Rusinë ka treguar se vendimet e marra në shkurt të vitit 2022 për të sulmuar Ukrainën ishin të sakta.

Ai bëri këto deklarata gjatë hapjes së një takimi me komandantët e grupeve të forcave në Shën Petersburg, raporton agjencia TASS.

Putin theksoi se fakti që banorët e “atyre rajoneve votuan në masë për të ardhmen e tyre brenda Rusisë” konfirmon drejtësinë dhe kohën e duhur të vendimeve të marra në fillim të luftës.

Presidenti rus gjithashtu kujtoi se 30 shtatori shënoi “Ditën e Ribashkimit” të Republikës Popullore të vetëshpallur të Donetskut dhe Republikës Popullore të Luganskut, si dhe të pjesëve të Zaporizhia dhe Kherson me Federatën Ruse.