Kompania “Tesla” do ta ndryshojë vendin e selisë

10 maj 12:21

Shefi i kompanisë Tesla, Elon Musk ka thënë se do të bartë selinë e fabrikës së prodhimit të makinave jashtë Kalifornisë, pasi i është kërkuar që të mbyllë atë.

“Tesla do të ndryshojë selinë dhe programet e së ardhmes në Teksas/Nevada”, ka njoftuar ai.

Kjo kompani ka thënë se do të ngre padi kundër qarkut Alameda në Kaliforni.

Departamenti shtetëror i këtij qarku ka refuzuar që t’i lejojë fabrikës “Tesla” që të rihapet të premten, duke përmendur masat e izolimit si arsyetim.

Sipas të dhënave të Universitetit Johns Hopkins, 2,632 persona kanë vdekur në Kaliforni, si pasojë e koronavirusit.

Prej 23 marsit, të gjitha operacionet, përveç atyre bazike, janë pezulluar në kompaninë “Tesla”, afër San Franciskos, për shkak të vendimeve të marra nga autoritetet.

Kjo kompani ka mbi 10 000 punëtorë dhe krijon rreth 415,000 makina çdo vit.

Lajme të sponsorizuara

Të fundit
Kryetarja e Kuvendit të Kosovës, Vjosa Osmani, ka përkujtuar prof.…