Komuna e Drenasit vazhdon aktivitetet për largimin e deponive ilegale

16 korrik 2020 | 16:08

Komuna e Drenasit, përkatësisht Drejtoria e Shërbimeve Publike dhe Emergjencës, është duke vazhduar aktivitetet për largimin e deponive ilegale nga territori i kësaj komune.

Këtë herë kjo drejtori ka vazhduar largimin e deponisë te pishat, afër lagjes “Nishori” në Komoran.

“U bëjmë thirrje të gjithë qytetarët, që mbeturinat inerte t’i dërgojnë në deponinë inerte në Llapushnik, me qëllim që t’i ruajmë hapësirat e gjelbëruara. Kjo deponi është caktuar nga Komuna e Drenasit për hedhjen e mbeturinave inerte nga qytetarët, në mënyrë që të parandalohet krijimi i deponive ilegale me përmbajtje inerte. Mënyra më e mirë për ta parandaluar pandeminë është mbrojtja e natyrës për një të ardhme të shëndetshme. Këto aktivitete do të vazhdojnë edhe në ditët në vijim”, ka njoftuar komuna e Drenasit. (L.G/ Epoka e re)

Lajme të sponsorizuara

Të fundit
Komuna e Fushë-Kosovës, e përfaqësuar nga kryetari i saj, Burim…