Komuna e Ferizajt bëhet gati për pritjen e bashkatdhetarëve

13 korrik 15:39

Ekzekutivi i Komunës së Ferizajt ka mbajtur mbledhjen javore, në të cilën është diskutuar për përgatitjet për pritjen e bashkatdhetarëve të kësaj komune.

Kryetari i Ferizajt, Agim Aliu, ka theksuar se këtë vit është angazhuar me kapacitet të plotë gjithë mekanizmi komunal për të lehtësuar shërbimet e administratës ndaj bashkë atdhetarëve.

Ai ka thënë se janë bërë ndërhyrje edhe në rregullimin e trafikut rrugor si dhe në rritjen e kapacitetit të ofrimit të shërbimeve shëndetësore pa lënë anash edhe aktivitetet kulturore-sportive që po organizohen në kuadër të “Ditët e Diasporës”.

Po ashtu Aliu ka thënë se janë bërë edhe dhe ndërhyrje të tjera me qëllim që të përballohet fluksi i shtuar i shërbimeve lokale në këtë sezon veror.

Aliu ka njoftuar drejtorët e drejtorive komunale për aktivitetet e realizuara dhe planet afatshkurtra që synohen të realizohen. Në anën tjetër, edhe drejtorët e drejtorive komunale kanë raportuar për punën javore, sfidat dhe sukseset që kanë shënuar javën që po e lëmë pas.

/Epoka e re/

 

Lajme të sponsorizuara

Të fundit
Kanë hyrë në fazën finale punimet në projektin “Ndërtimi i…