UEFA ka marrë një vendim të bujshëm ditën e sotme. Qeveria e futbollit evropian ka rënë dakord që të fusë sistemin VAR në fazën “play-off” të “Euro 2020”, me sfidat që luhen në muajin mars.

Siç shkruan në lajmërimin e saj, UEFA sqaron se po mendohet seriozisht edhe përfshirja e VAR-it edhe në kualifikueset e Botërorit 2022, gjithmonë për sa i përket Evropës.

Ky lajm është mjaft i rëndësishëm për Kosovën, pasi “dardanët” janë pjesë e fazës “play-off” të “Euro 2020”, ku do të luajnë ndaj Maqedonisë së Veriut, në fazën gjysmëfinale, ku në rast se avancon, në finale përballen me Gjeorgjinë ose Bjellorusinë.

NEWS: The #UEFAExCo has agreed to use VAR in the #EURO2020 play-offs in March, and in the 2022 European Qualifiers for the World Cup, subject to approval from FIFA for the latter. pic.twitter.com/AGud4lcrp2

— UEFA (@UEFA) December 4, 2019