Kosova nuk gjen qetësi pa zbardhjen e krimeve masive të kryera nga Serbia

22 maj 2020 | 09:05

Kryetari i Aleancës për Ardhmërinë e Kosovës (AAK-së), Ramush Haradinaj, duke kujtuar masakrën në burgun e Dubravës, ka thënë se, edhe pse autorët e saj dihen me emër e mbiemër, ende askush nuk është gjykuar.

Haradinaj sot në mëngjes shkroi se Kosova nuk gjen qetësi pa zbardhjen e këtij dhe shumë krimeve të tjera masive dhe e ka obligim që të kërkojë drejtësi derisa ekzekutorët e këtij krimi gjenocidal ta marrin dënimin e merituar.

Shkrimi i Haradinajt:

Njëzetenjë vjet më parë forcat serbe kryen krimin më mizor e të planifikuar, duke vrarë 130 të burgosur shqiptarë dhe plagosur mbi 200 të tjerë, në burgun e Dubravës.

Edhe pse ndër masakrat më të dokumentuara, me vrasës të njohur me emër e mbiemër, askush ende nuk është gjykuar. Kosova nuk gjen qetësi pa zbardhjen e këtij dhe shumë krimeve tjera masive dhe e ka obligim, që të kërkojë drejtësi derisa ekzekutorët e këtij krimi gjenocidal të marrin dënimin e merituar.

Është e dhimbshme se ky skenar morbid serb, përfshiu edhe veprimtarin e madh të çështjes sonë kombëtare, Ukshin Hotin, për zhdukjen e të cilit as pas dy dekadash nuk ka asnjë hetim. Martirët e Dubravës janë pjesë e përhershme e kujtesës sonë historike.

 

(B. D.: ‘Epoka e re’)

Lajme të sponsorizuara

Të fundit
Gjykata Kushtetuese do t’ia rrëzojë dekretin për mandatarin presidentit Hashim…