Kosova përmirëson pozitën e saj në renditjen e FIFA-s

23 qershor 11:29

FIFA e ka publikuar renditjen e saj të re të kombëtareve, e ku Kosova ka shënuar përmirësim në krahasim me renditjen e kaluar.

Dardanët tani renditen në pozitën e 106-të, me 1183.9 pikë, duke e përmirësuar pozitën e tyre për një vend.

Përmirësimi i pozitës në renditjen e FIFA-s vjen pas katër ndeshjeve të zhvilluara gjatë këtij muaji, ku Kombëtarja e Kosovës realizoi dy fitore (kundër Qipros dhe Irlandës së Veriut) dhe dy humbje (kundër Greqisë) në kuadër të edicionit të ri të Ligës së Kombeve.

Pozita e 106-të njëherësh është më e mira për Kosovën që nga anëtarësimi në këtë institucion në vitin 2016.

Dardanët do të rikthehen në skenë në muajin shtator, kur do t’i luajnë dy ndeshjet e fundit të këtij edicioni të Ligës C në Ligën e Kombeve kundër Qipros në “Fadil Vokrri” dhe kundër Irlandës së Veriut në udhëtim.

Lajme të sponsorizuara

Të fundit
Deputeti i Partisë Demokratike të Kosovës (PDK), Bekim Haxhiu, ka…