Kosova triumfon në kontestin ndaj një kompanie private në Arbitrazh
04 gusht 2022
| 13:00
Ministrja e Drejtësisë, Albulena Haxhiu, ka njoftuar se Kosova ka triumfuar në arbitrazh ndërkombëtar.
Përmes një statusi në llogarinë e vet në “Facebook”, Haxhiu shkruan se kanë filluar hapat e radhës për ekzekutimin e vendimit të arbitrazhit
“Pas më shumë se dy vite betejë ligjore si pasojë e një padie të iniciuar nga një individ, Republika e Kosovës ka triumfuar në arbitrazh ndërkombëtar”, ka shkruar Haxhiu.
“Avokatura Shtetërore në kuadër të Ministrisë së Drejtësisë, në bashkëpunim me firmën ligjore që përfaqëson Republikën e Kosovës në arbitrazh, tashmë kanë filluar hapat e radhës për ekzekutimin e vendimit të arbitrazhit dhe inkasimin e shpenzimeve”, ka thënë ajo.