Krasniqi: Pacolli ka imunitet si deputet, nuk mund të arrestohet

28 prill 18:17

Albert Krasniqi, nga D+ ka folur për seancën ku do të votohet qeveria e re si dhe për rastin e deputetit të AKR-së, Behgjet Pacollit.

Krasniqi ka sqaruar në “Frontal”,  se deputetëve nuk mund të ju jepet mundësia që të votojnë nga distanca.

“Jo nuk mund të ketë votim nga distanca, votimi bëhet përmes ngritjes së dorës, mënyrë elektronike apo deklarimi i secilit deputet. Kuvendi nuk parasheh delegimin e votës”, ka deklaruar ai.

Ai ka folur edhe për paralajmërimin që iu është bërë kreut të AKR-së, Behgjet Pacollit, që do të futet në karantinë sapo të hyjë në Kosovë.

Krasniqi thotë se ligji për deputetët ia jep atij një status tjetër prej qytetarëve. “Ligji për deputetët u jep një status tjetër prej qytetarëve. Po ashtu deputet kanë  imunitet.  Nuk mund të ndalohet apo arrestohet, në momentin që nëse Pacolli refuzon ti përgjigjet urdhrave dhe vendos të largohet policia nuk ka drejtë të arrestoj. Edhe nëse shkojmë në ekstremin, nëse ai nuk dëshiron tu bindet urdhërave, policia e Kosovës nuk kanë të drejtë ta ndalojnë Behgjet Pacollin”, ka deklaruar ai.

Lajme të sponsorizuara

Të fundit
Partia Demokratike e Kosovës, ka reaguar lidhur me kërcënimin ndaj…