Kryemadhi: Amendamentet e opozitës nuk janë kartë politike

16 janar 2018 | 12:34

Amendamentet e opozitës për Kushtetutën nuk janë një kartë politike, sipas kryetares së LSI-së, Monika Kryemadhi, por përgjegjshmëri dhe seriozitet i opozitës.

Në një konferencë për medie, ku ka folur mbi ekonominë aktuale të vendit, Kryemadhi ka thënë se nga mazhoranca ka pasur vetëm deklarata fëminore, apo inatçore, por jo zgjidhje të ngërçit politik.

“Ne kemi dëgjuar batuta dhe deklarata fëminore dhe inatçore të kryeministrit nga mikrofonat, po në fund të ditës asnjëherë nuk kemi parë material të shkruar për sa i përket opozitës. Dje opozita u tregua mjaft e përgjegjshme e serioze, pavarësisht se mazhoranca mundohet ta quajë si një kartë politike, po nuk mendoj se është e tillë kur mazhoranca nuk pranon të ulet për të lexuar materialin. Deri më sot nuk kemi parë nga mazhoranca, apo institucion që është konsultativ pranë parlamentit për sa i përket zgjidhjes së ngërçit të reformës në drejtësi. Nuk kemi asnjë lloj karte politike, duam të zbatohet reforma në drejtësi, i vetmi njeri që e ka përdorur për interesat e veta është zoti Rama. Pavarësisht nga kjo ne e themi përsëri, jemi përsëri të hapur për ta futur Parlamentin në shinat kushtetuese”, ka deklaruar Kryemadhi.

Fjalët Kyçe:

Lajme të sponsorizuara

Të fundit
Jens Thurau Ende kemi të bëjmë me një lajm gazete,…