Kryeprokurori i Gjilanit konfirmon vetëvrasjen e policit dhe tregon detajet

09 prill 21:52

Kryeprokurori i Prokurorisë së Gjilanit, Jetish Maloku ka thënë se oficeri i Policisë së Kosovës, B.I, i cili dyshohet se bëri vetëvrasje sot në Gjilan, po qëndronte me disa shokë të tij në një kafeteri të qytetit para se të ndërronte jetë.

Maloku ka deklaruar se B.I. dyshohet të ketë kryer vetëvrasje në tualetin e një kafiterie në lagjën Dheu i Bardhë në Gjilan.

“Ne jemi në hetimet e para, dhe këto hetime na thonë se ai ka qëndruar në një kafeteri në lagjen Dheu i Bardhë në Gjilan dhe aty kanë qenë me të 2-3 shokë dhe i kemi dëshmitarë”, ka thënë Maloku për “Insajderin”.

Sipas kryeprokurorit Maloku, trupin e pajetë të policit B.I. e gjetën shokët e tij.

“Ai [oficeri i policisë], ndërkohë, ka shkuar në tualet, kur shokët e tij shkojnë e gjejnë shtrirë aty. Tani jemi në hetime dhe të shohim se çfarë në të vërtetë ka ndodhur dhe krejt shenjat janë se ai ka bërë vetëvrasje””, ka thënë Maloku.

 

Lajme të sponsorizuara

Të fundit
Me rastin e dhjetëvjetorit të hartimit të Kushtetutës së Republikës…