Kryesia e Alternativës përgënjeshtron deklaratat e Ilir Dedës

05 prill 2019 | 22:39

Kryesia e Partisë Alternativa, përmes një komunikate për medie, ka reaguar lidhur me deklaratat e nënkryetarit të kësaj partie, Ilir Deda, i cili të enjten në emisionin “Interaktiv” të KTV-së tha se kryetarja e partisë, Mimoza Kusari-Lila nuk di çfarë flet dhe se partia është në krizë të thellë.

Sipas tyre, dallimi në qëndrime mes kryetares Kusari-Lila dhe nënkryetarit Deda ka filluar që nga mbështetja që ky i fundit i ka dhënë delegacionit shtetëror për bisedime me Serbinë.

Sipas njoftimit, në kryesinë e Alternativës me shumicë votash ishte vendosur që të mos mbështetet ky delegacion pa përfshirjen e dy partive opozitare LDK dhe LVV, mirëpo një gjë e tillë nuk është përkrahur nga Deda. Kryesia e Alternativës i ka quajtur të pabaza deklarimet e Dedës, se Alternativa është në krizë të thellë dhe se ai ka shumicën e elektoratit, pasi që sipas tyre, “ai nuk ka marrë pjesë në asnjë aktivitet të mbajtur nga partia që nga dhjetori i vitit 2018”.

Sipas kryesisë, “Deda është duke u ballafaquar me krizë tjetër dhe humbje të ndjesisë politike në raport me Alternativën, pasi që deklaratat e tij nuk përkojnë dhe nuk paraqesin gjendjen aktuale në Alternatives”. “Për opinionin publik dhe gjithë mbështetësit e Alternativës, Alternativa është duke kaluar periudhën më kompakte dhe të konsoliduar që nga themelimi i Partisë, gjë që tregojnë edhe aktivitetet e shumta të ndërmarra në të gjithë Kosovën dhe jashtë saj”, thekson ndër të tjera kjo parti në reagimin dërguar medieve.

Fjalët Kyçe:

Lajme të sponsorizuara

Të fundit
Zëvendëspresidenti i SHBA-së, Mike Pence, do të adresojë javën e…