Në Klinë ka filluar asfaltimi i rrugëve kryesore të qytetit nga rruga “Leonard Palucaj” deri te sheshi “Nëna Terezë”, duke vazhduar me rrugët “Muhamet Haxhaj”, “Hamit Krasniqi” dhe rruga “Hasan Prishtina”.

Për të inspektuar punimet ka dalë kryetari i komunës, Zenun Elezaj, i cili ka theksuar se këto punime mjaft të rëndësishme po kryen në mënyrë që të shmangim komunikacionin e ngarkuar dhe krijimin e një qarkullimi sa më të lehtë brenda qendrës së qytetit.

Ai po ashtu, nga operatori ekonomik ka kërkuar që punët të kryhen në mënyrë cilësore dhe sipas parametrave të paraparë në kontratë.

/Epoka e re/