Trajneri më i suksesshëm kosovar, Driton Kuka, është nominuar për titullin “Trajneri më i mirë evropian i femrave” për vitin 2021.

Kuka është nominuar nga Federata Evropiane e Xhudos. Trajneri i xhudos bëri të ditur se ceremonia e shpalljes së më të mirëve do të mbahet në fund të muajit prill.

“Federata Evropiane e Xhudos më ka nominuar për titullin: Best European Womens Coach 2021. Po ndaj me ju emailin e ardhur për pjesëmarrje në Ceremoninë e më të mirëve që do mbahet gjatë Evropianit në Bullgari në fund të muajit prill!”, ka shkruar Kukan në profilin e vet në “Facebook”.