Kryetari i Lëvizjes Vetëvendosje, Albin Kurti, ka komentuar përbërjen e delegacionit të Kosovës në bisedimet me Serbinë, duke thënë se presidenti Hashim Thaçi vetëm ka marrë pas vetes në Bruksel kryeministrin Ramush Haradinaj dhe zëvendëskryeministrin Fatmir Limaj, i cili së fundi u emërua nga Qeveria si kryenegociator.

“Haradinaj do që Limaj të udhëheqë ekipin negociator. Haradinaj e Limaj nuk po kuptojnë. Ata i mori Thaçi pas vetes në Bruksel me 18 korrik. Kaq ishte roli i tyre. Episodik por impresiv”, ka shkruar Kurti në llogarinë e vet në “Facebook”.