Kurti: Kosova nuk i harron e as nuk i falë krimet e kryera nga Serbia
Kryeministri i Kosovës, Albin Kurti, ka përkujtuar shqiptarët e vrarë nga forcat e ushtarake dhe paramilitare serbe, në Rogovë të Hasit, Goden e Bishtazhin të Gjakovës.
Me këtë rast, Kurti ka thënë Kosova nuk i harron e as nuk i falë krimet e kryera nga Serbia.
“Republika e Kosovës nuk i harron e as nuk i falë krimet e kryera nga Serbia. Më 27, 28 dhe 29 janar të vitit 1999, forcat e armatosura serbe i vranë 30 shqiptarë në Rogovë të Hasit, Goden e Bishtazhin të Gjakovës. Në këtë 25 vjetor i përkujtojmë luftëtarët dhe civilët e rënë për liri, që me sakrificën e tyre e shtruan rrugën deri të çlirimi i Kosovës nga Serbia okupatore”, ka shkruar Kurti në “Facebook”.
Ai ka thënë se atëbotë kanë rënë duke luftuar 21 ushtarë të Ushtrisë Çlirimtare të Kosovës dhe nëntë civilë shqiptarë.