Kryeministri i Kosovës, Albin Kurti, i është përgjigjur thirrjeve nga opozita për dorëheqjen e tij dhe zgjedhje të reja.

Sipas Kurtit, nëse shkohet në zgjedhje, atëherë zhduket opozita.

“Kam dëgjuar që opozita herë kërkon dorëheqjen e herë shkarkimin tim, e herë zgjedhje të reja. Zgjedhjet nuk i konvenojnë as qeverisë, e as opozitës. Qeverisë nuk i konvenojnë zgjedhjet sepse zhduket opozita”, ka thënë Kurti në një konferencë për medie ku ka folur për takimin e fundit në Bruksel.

Ai është përgjigjur edhe ndaj paralajmërimeve për tensione.

“Kush po do me shkaku tensione. I lus të gjithë ata që paralajmërojnë dhunë në veri, ta lajmërojnë Policinë e Kosovës që ta parandalojmë. Dhuna nuk është fatkeqësi natyrore, nuk është si tërmeti. Nuk është si stuhitë, ose vullkani”, ka thënë Kurti.