Kurti udhëton për në Itali, nesër takohet me Papa Françeskun
21 qershor 2023
| 14:00
Kryeministri i Kosovës, Albin Kurti, ka udhëtuar për në Itali. Sipas një njoftimi për medie nga zyra e kryeministrit, Kurti nesër (e enjte) do ta vizitojë Selinë e Shenjtë në Vatikan, ku do të takohet me Papa Françeskun si dhe sekretarin e Shtetit të Selisë së Shenjtë.
“Kryeministri i Republikës së Kosovës, Albin Kurti, ka udhëtuar sot për në Itali. Nesër kryeministri do të vizitojë Selinë e Shenjtë në Vatikan ku do të takohet me Papa Françeskun dhe me sekretarin e Shtetit të Selisë së Shenjtë, kardinalin Pietro Parol”, ka njoftuar zyra e kryeministrit.