Ushtruesja e detyrës së shefes së grupit parlamentar të Lëvizjes Vetëvendosjes, Mimoza Kusari, i ka reaguar emisarit të BE-së, Miroslav Lajçak, lidhur me deklaratën për liberalizimin e vizave për Kosovën.

Kusari-Lila i ka thënë Lajçakut që nëse nuk i pëlqen puna e tij ndoshta duhet të shkosh diku tjetër.

Miroslav Lajçak dje ka deklaruar se nëse Kosova nuk i beson BE-së le të shkojë diku tjetër.

Ajo ka shkruar në llogarinë e vet në “Twitter” se kjo deklaratë e diplomatit sllovak është arrogante.

“Po i kundërpërgjigjem Miroslav Lajçakut. Nëse nuk të pëlqen puna jote ndoshta duhet të shkosh diku tjetër. Çfarë deklarate arrogante nga dikush që është i thirrur t’i ndihmojë shtetet që të vijnë më afër BE-së e jo të shikojnë më larg nga ajo”, ka shkruar Kusari-Lila.

Miroslav Lajçak dje ka deklaruar se nëse Kosova s’i beson BE-së le të shkojë diku tjetër, kur është pyetur se a duhet Kosova t’i besojë BE-së për liberalizimin e vizave përderisa Bashkimi Evropian ka dështuar ta heq regjimin e vizave për kosovarët.

Deklarata e Lajçakut është pritur me reagime të ashpra në Kosovë.

A moment to reply to @MiroslavLajcak If you don’t like your job, maybe you should go somewhere else.
What an arrogant statement from someone who’s suppose to help countries come closer to the EU and not look further from it. https://t.co/Coldh4ORz5

— Mimoza Kusari (@mimozakusari) June 16, 2021