Ky është rusi i “bombës” në Bejrut

07 gusht 2020 | 08:43

Igor Grechushkin, një qytetar rus që dyshohet se po banon në Limassol, Qipro, është pronar i një anijeje fatkeqe që mbante një ngarkesë të rrezikshme që, shtatë vjet më vonë, shpërtheu dhe shkaktoi shkatërrim të paimagjinueshëm në Bejrut. Bëhet fjalë për 2 750 tonë nitrat amoniumi, një përbërës kimik që normalisht përdoret si pleh, por në situata të caktuara ai mund të përdoret si një eksploziv, ose shkakton pa dashje një shpërthim, siç ndodhi në portin e Bejrutit.

Përkatësisht, plehu u ruajt në hangar në port nga 2014 deri sot, pa masa sigurie që do të parandalonin katastrofën që ndodhi.

 

Ndalimi i pazakontë i një anijeje në Bejrut

 

Me këtë ngarkesë, një anije që fluturonte me flamurin moldav MV Rhosus u ankorua në portin e Bejrutit në tetor 2013. Por destinacioni i Rhosus, i cili lundroi nga Tbilisi në Gjeorgji, nuk ishte aspak Libani, por Mozambiku.

Por, siç raporton CNN bazuar në dokumentet që mori, kapiteni Boris Prokoshev ndaloi anijen në Greqi për karburant kur pronari i saj Grechushkin i tha atij se kompania s’kishte më para dhe do të duhej të shkonte në Bejrut për të marrë ngarkesë shtesë për t’i mbuluar shpenzimet e udhëtimit.

Ndërsa portali rus në anglisht, “Siberian Times”, shkruan se anija u ndal në Bejrut për shkak të një mosfunksionimi.

Kur anija u fut në Bejrut, autoritetet lokale të portit e bllokuan atë për “sjellje të gabuar” ose “mungesë dokumentesh dhe kushteve të nevojshme për transport”, tarifa portuale të papaguara dhe ankesa nga ekuipazhi.

Grechushkin deklaroi falimentimin dhe la anijen, ekuipazhin dhe ngarkesën e rrezikshme

Ekuipazhi, tetë ukrainas dhe dy rusë, u detyrua të qëndronte në bord, dhe pronari Grechushkin deklaroi falimentimin dhe thjesht “la anijen”, pretendon ekuipazhi. Autoritetet libaneze përfundimisht liruan gjashtë nga dhjetë anëtarët e ekuipazhit për t’u zhvendosur, ndërsa katër mbetën të bllokuar në anijen plot me ngarkesë eksplozive për gati një vit.

“Pronari i anijes Igor Grechushkin praktikisht la anijen dhe pjesën tjetër të ekuipazhit. Ai nuk na siguroi para (për shpenzime dhe rroga), ai na privoi plotësisht nga çdo mjet komunikimi”, shkruante Kapiten Prokoshev në qershor 2014 në një lutje të dëshpëruar për organizatat ndërkombëtare, diplomatët ukrainas dhe autoritetet portuale në Beirut, duke kërkuar që ai dhe detarët e tij të lirohen nga anija në të cilën u kapën.

“Ai na tha se ishte i falimentuar dhe, megjithëse nuk e besoj, gjëja më e rëndësishme është që ai ka hequr dorë nga ekuipazhi dhe ngarkesa e tij,” shtoi ai.

“Ne, detarët mbetëm në bord për 11 muaj. Ne kishim pak furnizime. Unë i shkruajta Putinit çdo ditë. Në fund ne duhej të shisnim karburant për të punësuar një avokat me ato para. Pronari nuk na siguroi as ushqim e as ujë”, tha kapiteni Prokoshev në një intervistë në radion Jehona e Moskës.

Ndërsa Grechushkin nuk iu përgjigj pyetjeve as nga CNN, as nga “Siberian Times”.

Lajme të sponsorizuara

Të fundit
Anëtari i kryesisë i Partisë Demokratike të Kosovës, Enver Hoxhaj,…