Ish-eprori i lartë i Ushtrisë Çlirimtare të Kosovës (UÇK), Lahi Brahimaj, ka përkujtuar rezistencën e familjes Jashari kundër forcave serbe më 22 janar të vitit 1998.

Me këtë rast, Brahimaj ka thënë se rezistenca e familjes Jashari ishte sakrificë në rrugëtimin për liri.

“Sot 22 vjet më parë kishte ndodhur sulmi i dytë në familjen e Jasharajve. Në atë kohë ne një grup bashkëluftëtaresh gjendeshim në Bajram Curr në familjen e Besnik Krasniqit (kushëri i afërt i Adrian Krasniqit) duke kryer përgatitjet që të hynim në Kosovë, por me të marrë lajmin e sulmit ndaj familjes emblematike të UÇK-së ne ndërpremë ushtrimet dhe u futëm menjëherë në Kosovë ku së bashku me bashkëluftëtarët heronjtë Mujë Krasniqi, Ilir Konushevci, Përparim Krasniqi si dhe bashkëluftëtarët të tjerë sjellë një sasi të konsiderueshme armatim. Ajo ditë ishte vetëm një sakrificë më shumë në rrugëtimin e sakrificave për liri, kujtojmë me përulje familjen e Jasharajve dhe të gjithë dëshmorët e kombit”, ka shkruar Brahimaj në llogarinë e vet në “Facebook”.

/Epoka e re/