Latifi: Rahoveci nga pandemia ka pësuar dëme në vlerë 54 milionë euro

25 nëntor 22:32

Në Komunën e Rahovecit sot janë regjistruar edhe dy raste të vdekjeve që kanë qenë të infektuar edhe me koronavirus.

Kryetari Smajl Latifi ka thënë për RTV Dukagjinin thotë se deri më tani me fatalitet nga Komuna e Rahovecit kanë përfunduar 38 persona derisa ende mbeten aktive 104 raste me koronavirus.

“Rastet fatale janë si pasojë e drejtpërdrejt e infektimit me koronavirus apo edhe që kanë pasur sëmundje tjera shoqëruese”, ka deklaruar ai.

Latifi thotë se gjendja në QKMF është stabile dhe ka furnizim të mjaftueshëm me barna dhe oksigjen.

“Pacientët me koronavirus i marrin shërbimet në objekte të veçanta”. I pari i Rahovecit thotë se kjo komunë ka humbje të mëdha nga efektet e pandemisë. “Dëmet janë evidente. Nga raporti i një kompanie konsulente, deri më tani komuna jonë ka pësuar humbje në vlerë prej 54 milionë eurove. Humbjet janë te bizneset e sidomos në gastronomi”. Latifi thotë se komuna ka ndihmuar bizneset duke i liruar nga taksat si një rrethanë lehtësuese për këtë kohë pandemie.

Lajme të sponsorizuara

Të fundit
Prindon Sadriu ka reaguar pasi deputetja e AAK-së, Time Kadriaj,…