Lekaj: Taksa s’duhet të hiqet pa u liberalizuar vizat

03 dhjetor 12:07

Nënkryetari i Aleancës për Ardhmërinë e Kosovës (AAK), njëherësh ministri i Infrastrukturës, Pal Lekaj, ka thënë se Kosova është vendi më properëndimor në Evropë, por në të njëjtën kohë është edhe vendi më i margjinalizuara në këtë pjesë të botës.

Ai ka thënë se nuk duhet të ketë kompromis në të drejtën tonë për të pasur sovranitet, integritet, për të lëvizur lirshëm e për të qenë të respektuar për vendimet që i marrim.

Sipas Lekajt, taksa 100 për qind të vazhdojë derisa nuk kemi njohje nga Serbia, liberalizim dhe njohje të plotë nga BE-ja.

“Kosovën e mbytët me hipokrizi! Është e vërtetë që jemi vendi më properëndimor në Evropë, e ndoshta në botë, por e vërteta tjetër e dhimbshme është se jemi më të margjinalizuarit në këtë pjesë të botës. Deri kur kështu, që disa zyrtarë, burokratë të pandreçshëm, të luajnë me ndjenjat dhe durimin e Kosovës dhe të qytetarëve të saj? S’duhet të ketë kompromis në të drejtën tonë për të pasur sovranitet, integritet, për të lëvizur lirshëm e për të qenë të respektuar për vendimet që i marrim. Taksa 100 për qind të vazhdojë, derisa nuk kemi njohje nga Serbia, liberalizim dhe njohje të plotë nga BE-ja. Zotëri Komisionar Hahn, me këto lajme do të ishte më mirë të vinit në Kosovën e pavarur, e jo për të bërë trysni”, ka shkruar Lekaj në llogarinë e vet në “Facebook”.

/Epoka e re/ 

Lajme të sponsorizuara

Të fundit
Mëngjesin e ditës së sotme janë kapur mbi 100 kilogramë…