Një 24-vjeçar në Teksas të ShBA-së është arrestuar pasi postoi në mediat sociale një video duke lëpirë një akullore në supermarket dhe më pas e futi sërish në frigorifer. Videoja e tij u bë virale.

D’Adrien Anderson është dënuar me 30 ditë burg dhe është urdhëruar të paguajë 1.565 dollarë për kompaninë e akullores, “Blue Bell Creameries”.

Ai do të bëjë gjithashtu edhe 100 orë punë të papaguara. Anderson u deklarua fajtor për sjellje të gabuar dhe i tha policisë se e lëpiu akulloren si shaka para se të kthehej dhe ta blinte atë.