Kampionia e Kosovës në futboll, FC Prishtina e ka mësuar kundërshtarin e saj në kuadër të fazës parakualifikuese për Ligën e Kampionëve.

Ekipi nga kryeqyteti i Kosovës do të përballet me Folgore nga San Marino. Ndeshja tjetër gjysmëfinale do të jetë mes Havnar Boltfelag dhe Inter Club d’Escaldes.

FC Prishtina ishte bartëse bashkë me Havnar Boltfelag të Ishujve Faroe. Në anën tjetër ekipet jobartëse ishin Inter Club d’Escaldes nga Andora dhe Folgore nga San Marino. Kujtojmë se Inter Club d’Escaldes ishte kundërshtari i Dritës në fazën parakualifikuese të Ligës së Kampionëve edicionin e kaluar. Ndeshjet e rundit parakualifikues do të zhvillohen më 22 dhe 25 qershor.