Limaj e Ahmeti shkojnë në Bruksel, flasin për dialogun

29 janar 11:29

Dy bashkëkryesuesit e ekipit negociator të Kosovës për bisedimet me Serbinë, Fatmir Limaj dhe Shpend Ahmeti, arritën në Bruksel, ku pritet të zhvillojnë një takim me përfaqësues të zyrës së ndërmjetësueses së dialogut, Federica Mogherini.

Zyrtarë nga kabineti i zëvendëskryeministrit Limaj konfirmuan për “Radion Evropa e Lirë” se në këtë takim do të diskutohet për modalitetet e mëtutjeshme të dialogut me Serbinë.

Është bërë me dije me dy bashkëkryesuesit e ekipit negociator kanë udhëtuar edhe përfaqësues të tjerë të institucioneve.

Ky është takimi i dytë i ekipit negociator me zyrtarë të BE-së.

I pari është zhvilluar po ashtu këtë muaj, kur është thënë se është diskutuar për fazën e ardhshme të dialogut Kosovë-Serbi, si dhe tarifën doganore 100 për qind, të cilën Qeveria e Kosovës ua ka vënë prodhimeve të importuara nga Serbia dhe Bosnje e Hercegovina.

Fjalët Kyçe:

Lajme të sponsorizuara

Të fundit
Rreth 22 mijë shërbyes civilë në administratën lokale dhe qendrore…