Lideri i Nismës Socialdemokrate, Fatmir Limaj, ka shkuar në ngushëllime në familjen Buja, me rastin e kalimit në amshim të babait të Ramë dhe Shukri Bujës.

Limaj ka thënë se familja Buja ka dhënë kontribut të madh për Kosovën dhe atë në të gjitha fazat.

“Sot me bashkëpunëtorë ishim te familja e nderuar Buja në Lipjan, për t’i shprehur ngushëllime familjarëve e miqve tanë për ikjen nga kjo jetë të atdhetarit e veprimtarit të hershëm të çështjes kombëtare, Gani Buja. I ndjeri dhe në përgjithësi familja Buja ka dhënë kontribut të madh për vendin në etapa të ndryshme. Lavdi i qoftë jetës dhe veprës së bacës Gani!”, ka shkruar Limaj në llogarinë e vet në “Facebook”.