Limaj takon Apostolovën, e njofton për punën e delegacionit shtetëror për bisedime

20 dhjetor 17:05

Bashkëkryesuesi i delegacionit shtetëror të Kosovës për bisedime me Serbinë, Fatmir Limaj, ka pritur në takim shefen e Zyrës së BE-së në Kosovë, Nataliya Apostolova.

Bashkëkryesuesi i delegacionit, Limaj, e ka njoftuar Apostolovën se delegacioni shtetëror ka mbajtur një ditë më parë mbledhjen konstituive ku janë marrë disa vendime me qëllim të funksionalizimit të plotë të këtij delegacioni.

Po ashtu, Limaj e ka njoftuar Apostolovën edhe për takimet që sot kanë zhvilluar me kryetarin e Kuvendit, Kadri Veseli dhe kryeministrin e Kosovës, Ramush Haradinaj.

Ndryshe, një ditë më parë ka nisur punën zyrtarisht delegacioni shtetëror për bisedime i cili udhëhiqet nga kryetari i Nismës, Fatmir Limaj dhe ai i PSD-së, Shpend Ahmeti.

/Epoka e re/

Fjalët Kyçe:

Lajme të sponsorizuara

Të fundit
Prokuroria Speciale e Kosovës ka ngritur aktakuzë ndaj M.D., i…