LV-ja i reagon ish-këshilltarit të Thaçit për flamurin kombëtar
Arlind Manxhuka nga sekretariati për medie i Lëvizjes Vetëvendosje i ka reaguar ish-këshilltari të ish-presidentit të Kosovës, Hashim Thaçit, Adil Behramaj, i cili ka kritikuar këtë lëvizje për flamurin kombëtar.
Dje gjatë ditës kryetari i Lëvizjes Vetëvendosje, Albin Kurti e ka pritur në takim emisarin e BE-së për dialogun, Miroslav Lajçak.
Ajo çfarë ka rënë në sy në këtë takim, e që është diskutuar edhe në rrjete sociale është se në zyrat e LV-së është parë vetëm flamuri kombëtar, e jo ai i Kosovës.
Për këtë çështje ka reaguar këshilltari i ish-presidentit të Kosovës, Hashim Thaçit, Adil Behramaj.
Ai ka thënë se Lajçakun dhe Kurtin i paska bashkuar edhe neutraliteti ndaj flamurit të Kosovës.
Këtyre deklaratave të Behramaj i kanë reaguar në Lëvizjen Vetëvendosje. Arlind Manxhuka, i cili ka thënë se janë duke dalë të shqetësuar ata që Kosovës ia kanë vendosur fusnotën.