Mali i Zi përfshihet nga protestat kundër marrëveshjes me kishën serbe

05 korrik 11:53

Me dhjetëra qytetarë protestuan para selisë së Qeverisë në Mal të Zi për të kundërshtuar marrëveshjen e paralajmëruar me Kishën Ortodokse serbe.

Marrëveshje pritet të bëhet me dije këtë të enjte nga kryeministri Dritan Abazoviç.

Protestuesit mbanin në duar pankarta të tilla si “Serbia po gllabëron Malin e Zi, do të jetë një luftë e vazhdueshme”, “Abazoviç, kishat na i morët me ligj dhe tani me marrëveshjen doni të na merrni ekzistencën dhe shpirtin”.

Qytetarët valëvisnin flamuj kombëtarë malazezë, si dhe flamuj të BE-së dhe NATO-s.

Presidenti Milo Gjukanoviç hodhi poshtë mundësinë e një marrëveshjeje të afërt mes qeverisë dhe Kishës Ortodokse Serbe, duke u munduar të ulë disi tensionet që kanë përfshirë shtetin ballkanik./euronews.al/

Lajme të sponsorizuara

Të fundit
Qendërmbrojtësi Eder Militao e ka rinovuar kontratën me Real Madridi.…