Mark Zuckerberg ka plane të tjera për “Facebook”

26 korrik 2021 | 11:38

Themeluesi i rrjetit gjigand social, Mark Zuckerberg, ka në plan ta shndërrojë platformën në një shoqëri meta-dimensionale në pesë vitet e ardhshme.

Për të përkufizuar konceptin e tij të ri për të, ai përdori fjalën “metaverse”, që do të thotë një botë ku njerëzit mund të luajnë, punojnë dhe komunikojnë, shpesh duke përdorur pajisjet VR (virtual reality). Zuckerberg e përshkroi këtë si “internet të trupëzuar ku më shumë se sa sheh në të, je në të”.

Për “The Verge”, themeluesi i Facebook tha se “njerëzit nuk duhet të jetojnë në ekrane të vogla të ndriçuara”.

Aktualisht, platforma po punon mbi një hapësirë të quajtur “zyra e pafundme” që do t’i lejojë përdoruesit të krijojnë ambientin e tyre ideal të punës përmes teknologjisë VR. “Në të ardhmen, në vend të një thirrjeje telefonike”, unë do të jem një hologram në divanin tënd, ti një hologram në divanin tim dhe do të duket sikur jemi shumë pranë edhe pse mund të jemi kilometra larg. Mendoj se kjo është vërtet e fuqishme”, e mbylli Zuckerberg./tvklan.al/

Lajme të sponsorizuara

Të fundit
Dasma e Lady Kitty Spencer ka qenë tamam si në…