Dasma e Lady Kitty Spencer ka qenë tamam si në përralla. 30-vjeçarja i dha fund beqarisë, duke u martuar me milionerin 62-vjeçar, Michael Lewis. Ceremonia me shumë të ftuar u mbajt të shtunën në një kështjellë italiane të shekullit të 17 .

Vendi ishte arreduar plot stil dhe elegancë, ashtu siç i përshtatet një princeshe. Nusja, e cila është mbesa e Lady Dianës, shkëlqeu e gjitha e veshur me disa fustane të ndryshme. Veshjet e saj ishin krijuar nga shtëpia e modës “Dolce & Gabbana”, për të cilën ajo është ambasadore e markës.

Ndërkohë fustani kryesor i Kitty-t, me një dizajn të ndërlikuar me dantella dhe lule, qafë të lartë, mëngë të gjata dhe shpatulla të fryra, ishte ai që rrëmbeu vëmendjen e të gjithëve.

Nga ana tjetër, “Daily Mail” shkruan se babai i saj, Earl Spencer, duket se nuk ka qenë në mesin e të ftuarve. Kjo për shkak të kufizimeve aktuale të udhëtimeve, ku kërkohet pesë ditë izolim pas mbërritjes në Itali.

Earl zbuloi së fundmi se ka një dëmtim në shpatull, i cili ka ndikuar në lirinë e lëvizjes, e mund të ketë qenë gjithashtu një shkak për mungesën në dasmën e së bijës.

Ndërkohë sipas mediave të huaja, bashkëshorti i 30-vjeçares është pesë vite më i madh se  babai i saj Lady Kitty, Earl Spencer.