Florian Marku ka fituar duelin e tij të katërt si profesionist duke mundur anglezin Tommy Broadbent. Dueli i zhvilluar në “O2 Arena”, Londër, përfundoi në raundin e katërt teksa një grusht i markut në trupin e kundërshtarit i dha fund përballjes.

Marku ruan rekordin e pandërprerë të fitoreve me nokaut, ndërsa kjo ishte humbja e parë e Broadbent me nokaut.

Anglezi e filloi raundin e parë më mirë, por me fillomin e raundit e dytë Marku mori kontrollin e duelit dhe Broadbent filloi të zbraspsej. Gjatë duelit kishte momente ku boksierët më shumë po fyenin njëri-tjetrin, duke harruar grushtet.

Vlen për t’u përmendur mbështetja e komunitetit shqiptar në Angli që krijoi një atmosferë elektrizuese gjatë duelit të 26-vjeçarit.