Kylian Mbappe mund të pësojë humbje të mëdha financiare nga marrëveshjet e sponsorizimit, pasi polemikat rreth tij në Kinë po vazhdojnë të thellohen.

Sipas raportimeve të mediumit spanjoll “Onda Cero”, tri kompani kineze kanë ndërprerë marrëveshjet e sponsorizimit me sulmuesin e Real Madridit.

Ndërkohë, disa marka ndërkombëtare kanë larguar imazhin e Mbappes nga fushatat e tyre reklamuese dhe platformat e rrjeteve sociale në Kinë.

Situata ka ngritur shqetësime edhe brenda Real Madridit, ku ekziston frika se dëmi i shkaktuar në reputacionin e futbollistit në tregun kinez mund të jetë i pakthyeshëm.

Këto zhvillime mund të ndikojnë ndjeshëm në të ardhurat e Mbappes nga sponsorizimet, duke i shkaktuar pasoja financiare përtej fushës së futbollit.