Mbi 60 mijë tifozë pritet të jenë të pranishëm për ndeshjen Hungari – Kosovë
24 mars 2024
| 16:18
“Ferenc Puskas Arena” pritet të jetë i mbushur për ndeshjen miqësore Hungari – Kosovë, që do të luhet më 26 mars me fillim nga ora 19:00.
Kapaciteti i këtij stadiumi që mban emrin e legjendës hungareze të futbollit është 67 mijë e 215.
Sipas mediave atje, biletat për këtë ndeshje pothuajse janë shitur, kështu që mbi 60 mijë tifozë pritet ta shohin ndeshjen nga afër.
Kjo do të jetë ndeshja e dytë miqësore për “Dardanët” gjatë muajit mars.
Të premten, skuadra e drejtuar nga Franco Foda, fitoi ndaj Armenisë, me rezultat 1:0.