Inspektorati komunal në Malishevë ka mbyllur dy lokale, pasi kanë shërbyer “shisha nargjile” për klientët.

Me këtë rast, Komuna e Malishevës ka njoftuar se edhe në të ardhmen do të bëjnë mbikëqyrje për zbatimin e plotë të vendimit.

“Inspektorët komunal në Malishevë, në bashkëpunim me policinë, sot kanë ndërmarrë një aksion në disa lokale, për inspektim të zbatimit të vendimit Nr.-2/500, datë 24.10.2022, vendim i cili ndalon përdorimin apo shërbimin me ‘shisha’. Gjatë inspektimit, dy lokale në të cilat janë hasur duke shërbyer për klient me shisha-llulla- nargjile, të njëjtat janë mbyllur”,  ka njoftuar Komuna e Malishevës.

Sipas këtij njoftimi, në ato lokale ku nuk zbatohet vendimi do të ndërmarrin veprime ligjore.

Vendimi që është marrë më 24 tetot 2022 ndalon shërbimin me shisha-llula-nargjile dhe të ngjashme, në largësi ajrore së paku 500 metra afër objekteve shkollore dhe 400 metra në afërsi të stacioneve të autobusëve.

fo