Vullnet Bugaqku nga KDI në një lidhje direkte në T7 ka thënë se nëse as mandatari tjetër nuk e siguron shumicën, presidentja duhet të shpallë zgjedhjet e parakohshme.

“Si duket nga disponimi politik askush prej tyre s’është i interesuar të formojë qeverinë dhe kështu që presidentja s’ka me pasur mundësi tjetër veç me i shpall zgjedhjet”, tha ai.

Si data të mundshme, Bugaqku përmendi 14 dhjetorin dhe 21 dhjetorin.

“Afati i fundit për caktimin e zgjedhjeve të reja janë dy mundësi, ose data 14 dhjetor ose data 21 dhjetor sepse është edhe një e diel, 28 dhjetor, por nuk ka kuptim me shku në zgjedhje para vitit të ri. Kështu që unë mendoj, opsioni më real është e diela 21 dhjetor”, tha Bugaqku.