Më 3 qershor do të mbahet turniri tradicional (futboll i vogël) ‘Labinot Aliaj – Labi’.

Këshilli Organizativ ka njoftuar se paraqitja e ekipeve do të bëhet çdo ditë nga data 22 maj, në numrin kontaktues 044/ 493601.

Turniri do të mbahet në fushën e “Ibos” në Istog.

Për fituesit e vendit të parë dhe të dytë do të ketë edhe shpërblime.

Labinot Aliaj – Labi ka ndërruar jetë në nëntor të vitit 2020 dhe ky turnir tradicional mbahet në përkujtim të tij.

Labinoti ishte asamblist në Kuvendin Komunal të Istogut, një djalë modest, kreativ, shembull për rininë, me plot energji dhe zë i fuqishëm i rinisë në qytetin e Istogut.

Labi ishte ndër tifozët më të flaktë të FC Istogut, ishte gjithmonë prezentë në tribuna duke e përkrahur klubin e zemrës së tij.