Messi: Kisha vendosur ta përfundoja karrierën tek Barcelona

10 tetor 2021 | 16:00

Futbollisti argjentinas Leo Messi ka dhënë një intervistë për “France Football” teksa ka rrëfyer çfarë i ndodhi te Barcelona, para kalimit te PSG.

Gjatë fjalës së tij sulmuesi argjentinas thekson se e kishte ndarë mendjen ta mbyllte karrierën te katalanasit, por kjo gjë nuk ndodhi dhe arsyet tashmë janë publike.

“Në verë, pasi mora disa ditë pushim, u ktheva në Barcelonë me idenë për të nënshkruar kontratën dhe për të nisur menjëherë stërvitjen. Mendova se gjithçka ishte OK dhe se mungonte vetëm firma ime. Kur u ktheva më thanë se nuk ishte e mundur të rinovoja, se nuk mund të qëndroja dhe se duhet të gjeja një klub tjetër. Kjo sepse Barça nuk kishte mjete financiare për të zgjatur kontratën time. Ajo më prishi planet. Siç thashë në ditën e lamtumirës, ishte shumë e dhimbshme për mua të largohesha nga Barcelona pas gjithë atyre viteve. Kisha vendosur të përfundoja karrierën time aty. Më pas fillova të mendoj për të ardhmen time dhe PSG më dha mundësinë të bashkohesha me ta. Mora edhe oferta të tjera, por më duhet ta pranoj se arritëm një marrëveshje shumë shpejt”, ka deklaruar Messi. Pas dy dekadash tek Barcelona, Leo Messi u detyrua të largohej për shkak të mos arritjes së akordit të një kontrate të re financiare me katalanasit, pasi ata kërkuan uljen e pagës duke synuar të zbatonin rregullat “fair-play”.

Lajme të sponsorizuara

Të fundit
Kandidati i Aleancës Kosova e Re (AKR) për kryetar të…