Meta dekoron presidenten e Kroacisë me medaljen “Flamuri Kombëtar”
19 korrik 2018
| 15:45
Presidenti i Republikës së Shqipërisë, Ilir Meta, ka dekoruar presidenten kroate, Kolinda Grabar-Kitaroviq me medaljen më të lartë të Shqipërisë atë të “Flamurit Kombëtar”.
Me këtë rast, Meta ka shprehur mirënjohjen për përkrahjen që Grabar-Kitaroviq dhe Kroacia kanë dhënë për Shqipërinë në procesin e integrimit evropian.
“I gëzuar që dekorova presidenten e Kroacisë Kolinda Grabar-Kitaroviq me medaljen më të lartë të Shqipërisë ‘Flamuri Kombëtar’. Mirënjohje për mbështetjen e saj dhe të Kroacisë në procesin e integrimit në Bashkimin Evropian. Me fat që kemi miq të tillë të mirë”, ka shkruar Meta në llogarinë e vet në “Facebook”.
/Epoka e re/