Sot Mid’hat Frashëri u transferua nga Long Island i Nju Jorkut, ku prehej prej 1949, drejt Shqipërisë. Te mërkurën do të rivarroset në Tiranë gjatë javës përkujtimore të 110-vjetorit të Kongresit të Manastirit, 14-22 nëntor 2018, “e cila përkon me një nga kremtimet madhore të Vitit Mbarëkombëtar të Gjergj Kastriotit-Skënderbeut”, duke plotesur kështu amanetin e tij. Dhe Shqipëria do mbajë në truallin e saj një nga figurat e rëndësishme të kulturës dhe historisë.