Miftaraj vishet kuqezi
30 shtator 2020
| 13:05
Mesfushori i njohur Diar Miftaraj është veshur kuqezi. Në fakt futbollisti që edicionin e kaluar më plotë sukses mbrojti ngjyrat e Prishtinës është transferi më i ri i Drenicës nga Skenderaj.
Ish-futbollisti i Besës së Pejës është prezantuar në skuadrën kuqezi nga kryetari i klubit, Ilir Veliqi.
“Mesfushori me tipare mbrojtëse, Diar Miftaraj, është lojtari më i ri i Drenicës! Ish-lojtari i Prishtinës, ka nënshkruar kontratë një vjeçare me klubin dhe ka mbetur vetëm kompletimi i dokumentacionit dhe lojtari do të jetë i gatshëm t’i ndihmojë ekipit që nga ndeshja me Gjilanin”, thuhet në njoftimin e Drenicës.
(Epoka e re)