Lideri i Republika Sërpska në Bosnjë dhe Herecgovinë, Milorad Dodik, i ka bërë thirrje Asamblesë Parlamentare të Bosnjë-Hercegovinës që të mbyllë institucionet ndërkombëtare në vend ose të përballet me kundërmasa.

Lideri i Republika Sërpska në Bosnjë dhe Herecgovinë, Milorad Dodik, ka thënë të enjten se serbët do të bllokojnë punën e qeverisë kombëtare të Bosnjës nëse ligjet zgjedhore të vendosura nga një i dërguar ndërkombëtar nuk anulohen dhe ambasadorët perëndimorë nuk dëbohen nga vendi.

Mbikëqyrësi i paqes i Bosnjës, Christian Schmidt, ka vendosur të martën ndryshime në ligjin zgjedhor për të garantuar integritetin e tij nëpërmjet përmirësimeve teknike pasi liderët rivalë etnikë të vendit nuk arritën të bien dakord për reformën zgjedhore.

Zyrtarët serbë të Bosnjës nuk e njohin Schmidt-in si përfaqësues të lartë për Bosnje dhe Hercegovinën, duke thënë se ish-ministri i qeverisë gjermane nuk u miratua nga Këshilli i Sigurimit i OKB-së. Ata kanë paralajmëruar se nuk do ta pranojnë vendimin e tij dhe përkundrazi do të miratojnë ligjin e tyre zgjedhor.

Sipas marrëveshjes së paqes të Dejtonit, që i dha fund luftës së vendit ballkanik në vitet 1990, që vrau rreth 100 mijë njerëz, Bosnja u nda në dy rajone autonome, Republika Serbe e dominuar nga serbët dhe federata e përbashkët nga boshnjakët dhe kroatët.

Përfaqësuesi i Lartë shihet si interpretuesi përfundimtar i marrëveshjeve të paqes dhe ka kompetenca për të vendosur ligje ose për të shkarkuar zyrtarë që konsiderohen si pengues të paqes.

Dodik, një i sanksionuar nga Shtetet e Bashkuara dhe Britania për pengimin e kushteve të marrëveshjes së paqes, tha se nëse vendimi i Schmidt nuk anulohet brenda një periudhe shtatëditore dhe shpallet i pavlefshëm nga parlamenti kombëtar, deputetët serbë do të bojkotoni punën e tyre.

Nuk do të ishte hera e parë që deputetët serbë bllokojnë vendimmarrjen në qeverinë kombëtare, por Bosnja tani shpreson të kalojë reformat e nevojshme për të hapur negociatat e pranimit me Bashkimin Evropian pas një ftese nga udhëheqësit e BE-së.

Duke iu drejtuar një sesioni urgjent të asamblesë së Republikës Serbe, Dodik ka thënë se parlamenti kombëtar duhet të miratojë ligjet zgjedhore dhe të deklarohet i vetmi institucion ligjbërës, duke ndaluar zbatimin e ligjit të Schmidt, raporton Reuters.

“Ambasadorët e SHBA-së, Britanisë dhe Gjermanisë, si dhe Schmidt, duhet të shpallen armiq të Bosnjës dhe të dëbohen nga vendi”, ka thënë Dodik, duke paralajmëruar se nëse nuk plotësohen kërkesat e tij, partia e tij në pushtet, SNSD, do të prishë partneritetin e saj me partnerët e saj aktualë në qeverisë dhe bllokojnë punën e saj.

Ai i kërkoi gjithashtu parlamentit rajonal që të miratojë menjëherë një projektligj zgjedhor sipas të cilit institucionet e Republikës Serbe do të kryejnë vetë zgjedhjet në rajon.