Milwaukee konfirmohet si forca e dytë në Konferencën e Lindjes pas fitores me rezultat 115-108 ndaj Brooklynit.

Lillard me 30 pikë e 12 asistime ishte më i miri në fushë për Bucks, mbështetur nga Antetokounmpo me 21 pikë. Në Perëndim, ekipi i Denverit fitoi me rezultat 113-100 ndaj New York, duke luftuar ende për vendin e parë në këtë kah të NBA-së. Nikola Jokiq protagonist me një “triple double” (30 pikë, 14 rebound, 11 asistime), ndërsa Porter realizoi 31 pikë.

Fiton edhe skuadra e Houstonit, që falë 26 pikëve të Green dhe 23 të Brooks mposhti me shifrat 127-117 Chicagon, duke i bërë të pavlefshme 35 pikët e Dosunmu për Bulls. Skuadra e Phoenixit, falë 30 pikëve të Booker, mundi me shifrat 128-115 Atlantan.

Rezultatet

Orlando – New Orleans           121-106
Washington – Sacramento     109-102
Houston – Chicago                   127-117
Milwaukee – Brooklyn             115-108
Dallas – Utah Jazz                    113-97
Denver – New York                  113-100
Phoenix – Atlanta                     128-115