Ministri i FSK-së: Prekazi, frymëzim për ta forcuar shtetin

06 mars 14:01

Me rastin e manifestimit jubilar të 20-vjetorit të “Epopesë së UÇK-së”, rezistencës heroike të familjes Jasharaj, të luftëtarëve tjerë, si dhe rënies së komandantit legjendar Adem Jashari, pjesëtarëve të familjes Jashari dhe të gjithë të rënëve për liri, ministri i FSK-së Rrustem Berisha dhe komandanti i FSK-së gjenerallejtënant Rrahman Rama, të shoqëruar nga gjeneralë, oficerë madhorë të FSK-së, zyrtarë të lartë të ministrisë, kanë bërë homazhe te varri i komandantit legjendar Adem Jashari në Kompleksin Memorial në Prekaz.

Pas homazheve delegacioni i lartë i MFSK-së dhe FSK-së kanë vizituar familjen Jashari, ku u pritën nga kryefamiljari Rifat Jashari.

“Ishim sot në vizitë në familjen Jasharaj, për të qenë pjesë e kësaj ceremonie, pjesë e përballimit të këtyre kujtimeve të ditëve të vështira, që i kanë pasur. Siç e dimë kanë qenë ditë të vështira për familjen Jasharaj dhe për të gjithë popullin shqiptarë. Kemi pasur dëshirë të jemi pjesë e kësaj ceremonie, kjo është një frymëzim për të gjithë neve, që të vazhdojmë me punën tonë drejt forcimit të shtetit tonë, institucioneve shtetërore dhe të institucioneve të sigurisë. Mendoj se çdo herë e më shumë do të vijmë me vlera raportuese, në çdo përvjetor dhe të njihen me to të gjithë qytetarët”, ka thënë ministri i FSK-së, Rrustem Berisha.

Lajme të sponsorizuara

Të fundit
88 për qind e anëtarëve të grupit “Arsenal Supporters Trust”…