Ministri i Mjedisit dhe Planifikimit Hapësinor (MMPH), Fatmir Matoshi dhe kryetari i Komunës së Rahovecit, Smajl Latifi, sot kanë nënshkruar një marrëveshje mirëkuptimi për bashkëfinancimin e projektit “Pastrimi i profileve kritike-emergjente të lumenjve për mirëmbajtje të kapacitetit bartës të ujë-rrjedhave” në Rahovec.

Ky projekt financohet nga MMPH-ja në vlerë prej 60 mijë euro për vitin buxhetor 2019.

Me këtë rast, ministri Matoshi ka thënë se MMPH-ja përveç këtij projekti në Rahovec financon edhe projekte tjera në fushën e mjedisit.

“Pastrimi i profileve kritike-emergjente të lumenjve për mirëmbajtje të kapacitetit bartës të ujë-rrjedhave”, është një projekt i rëndësishëm për Komunën e Rahovecit, qytetarët e saj dhe mjedisin në përgjithësi duke bërë kështu eliminimin e vërshimeve në dy fshatra Krushë-Celicë. Prioritet i ministrisë sonë mbetën komunat andaj mbështetja jonë nuk do të mungojë kur bëhet fjalë për mjedisin”, ka deklaruar Matoshi.

Matoshi ka kërkuar nga kryetari Latifi që komuna t’i përmbushur obligimet e veta dhe të krijoj kushtet e nevojshme për realizimin e këtij projekti.

Ndërsa kryetari i Komunës së Rahovecit, Smajl Latifi, ka falënderuar ministrin Matoshi për këtë projekt, duke vlerësuar si të rëndësishëm në parandalimin e vërshimeve në këtë komunë.

/Epoka e re/