Ministrja Zhiviq në panairin ndërkombëtar të bujqësisë “CroAGRO” në Zagreb

05 dhjetor 2019 | 17:30

Një delegacion i Ministrisë së Bujqësisë, Pylltarisë dhe Zhvillimit Rural, i udhëhequr nga ministrja në detyrë, Dijana Zhiviq, po merr pjesë në Panairin Ndërkombëtar të Bujqësisë, Pajisjeve dhe Makinerisë Bujqësore “CroAGRO”, i cili po mbahet në Zagreb të Kroacisë.

Në këtë panair po marrin pjesë kompani nga vende të ndryshme të botës, të cilat gjatë ditëve sa do të zgjasë panairi do të prezantojnë pajisjet dhe makineritë bujqësore.

Ndërkaq, sot gjatë ditës ministrja në detyrë e MBPZhR-së, Dijana Zhiviq është takuar me ministren e Bujqësisë të Kroacisë, Marija Vuckoviq, me të cilin kanë biseduar lidhur me mundësitë e bashkëpunimit në sektorin e bujqësisë mes të Republikës së Kosovës dhe asaj të Kroacisë.

Panairi Ndërkombëtar i Bujqësisë, Pajisjeve dhe Makinerisë Bujqësore “CroAGRO”, është hapur sot dhe do të zgjasë deri më 8 dhjetor.

/Epoka e re/

Lajme të sponsorizuara

Të fundit
06.12.2019 Punime të domosdoshme për sigurinë e  sistemit Peja  1.…