Miratohet Projektligjin për përgjegjësitë disiplinore të gjyqtarëve dhe prokurorëve

14 qershor 2021 | 11:20

Me 73 vota për, asnjë kundër dhe asnjë abstenim, Kuvendi i Kosovës ka miratuar në parim Projektligjin për përgjegjësitë disiplinore të gjyqtarëve dhe prokurorëve.

Për këtë projektligj, ministrja e Drejtësisë, Albulena Haxhiu, në seancën e sotme ka thënë se përgjegjësia disiplinore e gjyqtarëve dhe prokurorëve është një nga bazat e llogaridhënies.

“Ligji aktual ka qenë i shoqëruar me një lëshim dhe në praktikë ka pasur gabime dhe ka qenë e pamundur të bëhet suspendimi ndaj gjyqtarëve dhe prokurorëve. Njëra nga bazat e llogaridhënies është çështja e përgjegjësisë disiplinore e gjyqtarëve dhe prokurorëve”, ka deklaruar ajo.

Përndryshe, Haxhiu në seancën e sotme ka bërë të ditur se nesër (e martë) do të finalizohet drafti i parë i koncept-dokumentit për vettingun në sistemin e drejtësisë.

Haxhiu ka thënë se reforma më e madhe në sistemin e drejtësisë do të jetë vettingu.

Lajme të sponsorizuara

Të fundit
Deputeti i Partisë Demokratike të Kosovës (PDK), Ferat Shala, ka…